Անդերս Բրեյվիկը մահը նախընտրել է հոգեբուժարանում բուժվելուց

2011–ի ամռանը Նորվեգիայում կրկնակի ահաբեկչություն իրականացրած Անդերս Բերինգ Բրեյվիկը հայտնել է, որ մահը նախընտրում է հոգեբուժարանում բուժվելուց։ Այս մասին Բրեյվիկը գրել է Verdens Gang թերթում հրապարակված 38 էջանոց բաց նամակում։

«Քաղաքական ակտիվիստին հոգեբուժարանում բուժվելն ավելի տանջալի է, քան մեռնելը։ Նման ճակատագիրն ավելի վատն է, քան մահը», – բաց նամակում գրել է Բերյվիկը։

Հիշեցնենք, որ անցյալ տարվա հուլիսին նորվեգացի ահաբեկիչը Օսլայում իրականացրած պայթյունից անմիջապես հետո մեկնել էր Ուտոյա կղզի և սպանել երիտասարդական ճամբարի 69 ուսանող։