Ցեղասպանության մասին ֆիլմի նկարահանումները կիսատ են մնացել

«Վերադարձ Գյուրուն» նախագիծը «Հայ-թուրքական կինոպլատֆորմ 2011»-ի հաղթող է ճանաչվել: Դեռ անցած տարի ֆիլմի ռեժիսոր Ադրինե Գրիգորյանը նշել էր, որ արդեն 2011-ի աշնանը մեկնարկելու էին ֆիլմի նկարահանման աշխատանքները, իսկ վերջնական տարբերակը պատրաստ կլինի գարնանը: Լուրեր.com-ի հետ զրույցում, ֆիլմի ռեժիսոր Ադրինե Գրիգորյանը նշեց, որ այժմ ֆիլմի նկարահանումների համար վերջինս՝ իր թիմով հանդերձ, գումար հավաքելու ծրագիր ունեն, որպեսզի ֆիլմի նկարահանումներն ավարտին հասցնեն: «Ֆիլմը պետք է «Ոսկե Ծիրան»–ին պատրաստ լինի։ Այժմ գումար հավաքելու ծրագիր ունենք, որպեսզի ֆիլմը վերջացնենք: Անցյալ տարի ես մրցանակ եմ շահել, որ այս ֆիլմը նկարեմ: Այս ֆիլմը կարևոր է, որովհետև ոչ թե միայն ցեղասպանության մասին ենք խոսում, այլ նաև այն առումով, որ Թուրքիայում արգելված է ցեղասպանության մասին խոսել», - նշեց Ադրինե Գրիգորյանը: