PKK-ի նախկին անդամը դարձել է նախարար

Հյուսիսային Իրաքի քրդական վարչակազմի ներքին գործերի նախարար է նշանակվել Քրդական բանվորական կուսակցության PKK ահաբեկչական խմբավորման նախկին անդամ Ազիզ Վեյսին, հաղորդում է Hurriyet Daily News–ը։

Համապատասխան հրամանը ստորագրել է քրդական վարչակազմի վարչապետ Նեչիրվան Բարզանին։ Սպասվում է, որ այն այսօր կհաստատվի Հյուսիսիային Իրաքի քրդական վարչակազմի խորհրդարանի կողմից։

Ըստ թերթի, Վեյսին համարվում է Թուրքիայի հյուսիս–արևմուտքում գտնվող ամենավտանգավոր ահաբեկիչը։ Վեյսին, որին ծածկանունը Շեմդին Սաքիկ է, արդեն երկար ժամանակ է` հետախուզվում է Թուրքիայի հատուկ ծառայությունների կողմից։ PKK–ից դուրս գալուց հետո նա տեղափոխվել է Հյուսիսային Իրաք՝ փորձելով մոտ հարաբերություններ ստեղծել Հյուսիսային Իրաքի քրդական վարչկազմի ներկայացուցիչների հետ։