Անցած գիշեր Սիրիայից մոտ հազար քաղաքացիներ են փախել Թուրքիա

Անցած գիշեր Սիրիայի մոտ հազար քաղաքացիներ են փախել Թուրքիա, հաղորդում է Hurriyet Daily News–ը՝ հղում անելով թուրքական իշխանությունների իր աղբյուրներին։

Թերթի անանուն աղբյուրը հայտնել է, որ մեկ տարի առաջ Սիրիայում սկսված ընդդիմադիր պայքարի ընթացքում Սիրիայից Թուրքիա գաղթածների թիվը հատել է 20 հազարի սահմանը։

Ինչպես հաղորդում է Reuters–ը, վերջին օրերին Սիրիայից Թուրքիա է գաղթել մոտ 1600 քաղաքացի։ Նշվում է, որ վերջին ամիսներին Սիրիայից Թուրքիա գաղթածների ամենամեծ խումբն է։ 

Սիրիայում հակակառավարական բողոքի ցույցերը սկսվել են 2011–ի մարտին։ Ըստ ՄԱԿ–ի վերջին տվյալների՝ կառավարական զորքերի և ընդդիմադիր ուժերի միջև բախումների ընթացքում զոհվել է ավելի քան 9 հազար մարդ։