ԱՄՆ–ը և Պարսից ծոցի 6 երկրներ կստեղծեն միասնական ՀՕՊ համակարգ

ԱՄՆ–ը և Պարսից ծոցի արաբական 6 երկրներ համաձայնել են ստեղծել միասնական հակահրթիռային պաշտպանական համակարգ, որի նպատակն է «զգուշացնող ազդանշան» ուղարկել Իրանին, հաղորդում է Itar-Tass՝ հղում անելով ճապոնական թեթերից մեկին տված հարցազրույցում Բահրեյնի արտգործնախարար շեյխ Ահմադ Խալեդ ալ–Խալիֆի հայտարարությանը։

«ՀՕՊ համակարգերը մեր համագործակցության հիմքն են ծառայում, – ասել է նա։ Մենք պայմանավորվել ենք ԱՄՆ–ի հետ քննարկել մանրամասները և հունիսին վերջնական որոշում կայացնել»։ Վաշինգտոնի հետ խորհրդակցություններին, ըստ նախարարի, մասնակցնում են Սաուդյան Արաբիան, ԱՄԷ–ը, Կատարը, Օմանը, Բահրեյնը, Քուվեյթը։
Խոսքը, մասնավորապես վերաբերում է նրան, թե ինչպես պետք է տարածաշրջանունմ ընդլայնել միասնական ռադարային ցանցը և կազմակերպել տեղեկատվության փոխանակման միասնական համակարգը։ «Պատրիոտ» ՀՕՊ համակարգն արդեն տեղակայվել է Սաուդյան Արաբիայում և ԱՄԷ–ում։ Միասնական ՀՕՊ համակարգի ստեղծումը ծառայելու է նավթային օբյեկտների վրա հնարավոր հարձակումները կանխելուն։

«Մենք այլ կողմից վտանգ չենք տեսնում, բացի Իրանից։ Մեր համաձայնագիրը զգուշացնող ազդանշան կլինի Իրանին», – ասել է Բահրեյնի արտաքին գործերի նախարարը։