Google trends. «Պոռնոն» Հայաստանում ամենափնտրվող բառն է

Մոտ 400 գրանցված մարմանվաճառներից 300-ի մոտ այս կամ այն սեռավարակն է գրանցվել: Այս մասին այսօր լրագրողների հետ հանդիպման ժամանակ ասաց սեքսապաթոլոգ Վրեժ Շահրամանյանը: «Պետք է մշակել միջոցառումների համակարգ, որ նույնիսկ կոմերցիոն սեքսից օգտվելու դեպքում զինված լինել անհրաժեշտ տեղեկատվությամբ, որպեսզի հետագայում թիրախ խումբը խնդիր չառաջացնի նրանց դիմողների մոտ»,- նշեց սեքսապաթոլոգը:

Հիշեցնենք, որ վերջերս աղմուկ էր բարձրացել armgirls.am կայքի հետ կապված: Նշված կայքում էին հայտնվել մարմնավաճառների տվյալներ, խնդրով սկսեց զբաղվել ոստիկանության 6-րդ վարչությունը: «Պետք չէ, որ անընդհատ աչքի առաջ լինի այդ երևույթը»,- մեկնաբանեց Վրեժ Շահրամանյանը:

Նշենք, որ «պոռնո» բառը ըստ Google որոնողական համակարգի Trends ծառայության, հայկական համացանցում ամենափնտրվող բառն է: Հայաստանին այս ցուցանիշով հաջորդում են Թուրքիան, Պերուն, Ռումինիան:

«Կա խնդիր համացանցի միջոցով հանրամատչելի ինֆորմացիա տարածելու: Ժամանակն է եկել վարագույրը վեր բարձրացնելու ու երևույթներն իրենց անունով կոչելու: Արագիլների ու կաղամբների պատմությունները պետք է մի կողմ դնենք, որովհետև եթե երեխան տանը չիմանա պատասխանը, կփորձի պարզել դրսում՝ ավելի «իրազեկ» ընկերներից»,- նշեց սեքսապաթոլոգը՝ հավելելով, որ այդ դեպքում երեխան կսկսի ծնողներին չվստահել:

Հոգեբան Խաչատուր Գասպարյանն էլ նշեց, որ երեխաները չեն կարողանում իրենց հուզող հարցերի պատասխանը ստանալ ծնողներից:

«Մի ծնող էր եկել, ասում էր՝ երեխաս գործիքի պրոբլեմ ունի: Մտածեցի երաժշտական դպրոց է գնում: Ասացի՝ ի՞նչ գործիք նվագում: պարզվեց խոսքը սեռական օրգանի մասին էր»,- պատմում է հոգեբանը: