Պուտինը ոչ թե կսեղմի Ալիևի և Սերժ Սարգսյանի ձեռքերը, այլ կփորձի ջարդել. Ռիչարդ Կիրակոսյան

Այսօր լրագրողների հետ հանդիպման ժամանակ տարածաշրջանային ուսումնասիրությունների կենտրոնի տնօրեն, քաղաքագետ Ռիչարդ Կիրակոսյանը անդրադառնալով Ռուսաստանի արտգործնախարարի Հայաստան կատարած այցին, նշեց, որ վերջինիս այցի վերլուծությունը թույլ է տալիս ասելու, որ Հայաստանը ձեռք է բերել ավելի մեծ ռազմավարական արժեք: «Շատ դեպքերում, սակայն, Լավրովի այցը կապված էր երեք քաղաքական նպատակների հետ: Առաջինը Ռուսաստանի համար Հայաստանի կարևորության ցուցադրումն էր և Պուտինի նախագահության համար պատրաստությունը: Երկրորդ միտումն այն էր, որ այս այցը ցույց տվեց Ռուսաստանի քաղաքականությունը հարավային կովկասի տարածաշրջանի համար: Երրորդ նպատակն այն էր, որ այցելել էր Հայստան խորհրդարանական ընտրություններից մեկ ամիս առաջ»,–ասաց Ռիչարդ Կիրակոսյանը:

«Հայաստանը Ռուսաստանի համար հարավային կովկասում միակ վստահելի գործընկերն է և շատ դեպքերում Ռուսաստանը ճանաչում և ընդունում է այն փաստը, որ Հայստանը շատ կարևոր գործընկեր է իր համար: Եթե մենք նայենք Հայաստանի արտաքին ավելի ուժեղ քաղաքականությանը, ապա կտեսնենք երկու պատճառ, թե ինչու է Ռուսաստանը գնահատում Հայաստաին ավելի շատ: Առաջինն այն է, որ Հայաստանն ավելի մեծ ներգրավվածություն է ցուցաբերում եվրոպական միության և արևելյան գործընկերության շրջանակներում: Երկորոդը և ավեի կարևորն այն է, որ Սեյրան Օհանյանի կառավարման շրջանում Հայաստանը ավելի շատ է խորացնում կապերը արևմուտքի և Միացյալ նահանգների հետ: Մենք նաև պետք է վստահ լինենք, որ Ռուսաստանը շատ մեծ ուշադրություն դարձրեց պաշտպանության նախարարի Պենտագոն կատարած վերջին այցին: Մենք պետք է անդրադառնանաք նաև այն փաստին, որ այս ամիս Միացյալ Նահանգները և Հայաստանը համատեղ զորավարժություններ կանցկացնեն: Այս կոնտեքստում կարևորը միայն այն չէ, որ Հայաստանը բարելավվում է հարաբերությունները արևմուտքի, Միացյալ Նահանգների և Եվրոպայի հետ, սա կարևոր է այն իմաստով, որ այս ամենը Հայաստանին թույլ է տալիս ավելի մեծ հնարավորություն է տալիս շահումներ կորզելու  Ռուստանից և այս կոնտեքստում, այն փաստը, որ Հայաստանը ավելի շատ բան է անում Արևմուտքի հետ՝ նշանակում է, որ այն ավելի շտա բան կարող է ստանալ Արևելքից։ Միաժամանակ մենք տեսնում ենք, նաև տարածաշրջանային զարգացում, երբ Ռուսաստանը հարաբերությունները բարելավվում է Ադրբեջանի հետ և Պուտինի վերադարձից հետո կշարունակի իր առաջնային դերը Մինսկի խմբի շրջանակներում, բայց Ռուսաստանի պարագայում Լեռնային Ղարաբաղի հարցով թեթև փոփոխություն կլինի: Նախագահ Մեդվեդևը շատ համբերատար էր և ներդնում էր իր անձնական կապիտալը և ժամանակը՝ Հայաստանի և Ադրբեջանի նախագահների հանդիպումները կազմակերպելու համար: Նախագահ Մեդվեդևը սեղմում էր նախագահ Ալիևի և նախագահ Սարգսյանի ձեռքերը. երկրորդ նախագահ Պուտինը ոչ թե կսեղմի նրանց ձեռքերը, այլ կփորձի ջարդել Ադրբեջանի և Հայաստանի նախագահների ձեռքերը: Բարեբախտաբար Ռուստանի այդ ճնշումը չի աշխատի, բայց պարզ է, որ Ռուսաստանը կշարունակի առաջնային դեր խաղալ Մինսկի խմբում: Լավրովի այցի երրորդ ասպեկտը վերաբերում էր Հայաստանի իրավիճակի զննմանը խորհրդարանական ընտրություններից առաջ», - նշեց ռիչարդ Կիրակոսյանը: