Լավրով. Իրանի վրա հարձակումը մեծ սխալ կլինի

Ռուսաստանի ԱԳ նախարար Սերգեյ Լավրովը հայտարարել է, որ Իրանին ռազմական հարված հասցնելը մեծ սխալ կլինի։

«Մեր դիրքորոշումն այս հարցում քաջ հայտնի է, - դա կլինի շատ լուրջ սխալ, որը հղի է անկանխատեսելի հետևանքներով», - ասել է նա մամուլի ասուլիսի ժամանակ՝ պատասխանելով Ինտերֆաքսի թղթակցի հարցին։ Այսպիսով, Լավրով մեկնաբանել է իսրայելական կողմի հայտարարությունները, որ չի բացառվում իրանի նկատմամբ ուժ կիրառելը։ Ըստ Լավրովի, ցանկացած հակամարտություն կարող է կարգավորվել միջազգային հանրության կողմից հաստատված և ՄԱԿ–ի կանոնադրությամբ նախատեսված   սկզբունքների հիման վրա։ Հաղորդում է Ռիա Նովոստի լրատվական գործակալությունը։