Ասադը հեռախոսազրույցի ընթացքում Չավեսին փոխանցել է Սիրիայում իրավիճակի կայունացման մասին
Մերձավոր Արևելք
Նախօերին կայացել է Վենեսուելայի նախագահ Ուգո Չավեսի իր Սիրիայի նախագահ Բաշար Ասադի հեռախոսազրույցը։ Այս մասին Չավեսը հայտնել է երկրի պետական հեռուստատեսությամբ, հաղորդում է Itar-Tass–ը։
Ըստ նրա, նա մոտ կես ժամ հեռախոսազրույց է ունեցել Ասադի հետ, որում սիրիացի իր կոլեգան մանրամասն նկարագրել է Սիրիայում ստեղծված իրավիճակը։
«Բաշարն ինձ ասաց, որ իրեն իշխանությունից հեռացնելու համար իրականացված ահաբեկչական գործողությունների հետևանքով սպանվել է ավելի քան երկու հազար զինծառայող և խաղաղ բնակչություն», – ասել է Չավեսը։
Բացի այդ, Վենեսուելայի առաջնորդին Ասադը հայտնել է, որ «Սիրիայում իրավիճակը կայունանում է և նա հույս ունի, որ մոտ ապագայում իրավիճակը կբարելավվի»։
Ուգո Չավեսը կրկին ԱՄՆ իշխանությունների և նրա դաշնակիցներին կրկին մեղադրել է Սիրիայի իշխող ռեժիմին տապալելու նպատակով բռնություններ հրահրելու մեջ։
«Յանկիների կայսրությունը և նրա դաշնակիցները շարունակում են ճնշում գործադրել Սիրիայի վրա, փորձելով զենքի օգնությամբ և ահաբեկչական գործողություններ իրականացնելու միջոցով իշխանությունից զրկել Բաշար Ասադին», – հայտարարել է Չավեսը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
