Վիրջինիայում փնտրում են ԱՄՆ ռազմաօդային ուժերի ինքնաթիռի վթարի հետևանքով կորածներին

Երեք մարդ համարվում է անհետ կորած Վիրջինիա–Բիչ քաղաքի բնակելի տներին F18 Superhornet ինքնաթիռի բախման հետևանքով։

Տեղի հրշեջների տվյալներով՝ բոլոր երեք անհետ կորածներն էլ միևնույն տան բնակիչներ են։ Ինքնաթիռի անձնակազմը՝ բաղկացած օդաչուից և նրա սանից, հասցրել են վթարից առաջ դիմել «կատապուլտի» օգնությանը։

Հիշեցնենք, որ կործանիչը, ընկնելով բնակելի տների վրա, հրդեհ էր առաջացրել դրանցից մի քանիսում։ Նախնական տվյալներով՝ վթարի պատճառը տեխնիկական անսարքությունն է եղել։