ՕԵԿ հանրահավաքում լսվեց արհեստական ծափահարությունների ձայնագրություն

Քիչ առաջ «Ազատության» հրապարակում մեկնարկեց «Օրինաց Երկիր» կուսակցության հանրահավաքը, որի մեկնարկը տվեց ԱԺ ՕԵԿ խմբակցության պատգամավոր Հովհաննես Մարգարյանը: Կուսակցության առաջնորդ Արթուր Բաղդասարյանին ներկաները դիմավորեցին ջերմ ծափողջույններով և հրավառությամբ:

Հանրահավաքի մեկնարկը տրվեց շնորհավորական ուղերձով՝ նվիրված Մայրության և Գեղեցկության տոնին:

Հանրահավաքին ՕԵԿ անդամները ելույթ են ունենում ըստ նախընտրական ցուցակի. առաջինը ելույթ ունեցավ կուսակցության փոխնախագահ Հեղինե Բիշարյանը, այնուհետև՝ արտակարգ իրավիճակների նախարար Արմեն Երիցյանը:

Նշենք նաև, որ Հեղինե Բիշարյանի ելույթի ընթացքում, տեխնիկական թերությունների պատճառով լսվեցին նախապես ձայնագրված արհեստական ծափահարություններ։