«Համաս» խմբավորումը մահապատժի է ենթարկել մի պաղեստինցու՝ Իսրայելի հետ համագործակցելու համար

«Համաս» շարժումը մահապատժի է ենթարկել երեք պաղեստինցիների, որոնցից մեկը մեղադրվում էր Իսրայելի հետ համագործակցելու համար, հաղորդում է France-Presse–ը՝ մեջբերելով Պաղեստինի ինքնավարության ներկայացուցչի խոսքերը։

Մյուս երկու պաղեստինցիները մահապատժի էին դատապարտվել սպանության համար։ Դատապարտյալները մահապատժի են ենթարկվել Գազա քաղաքում։ Նրանց անունները և տարիքը չի հաղորդվում։

AFP նշում է, որ այս տարի դա պաղեստինցիների նկատմամբ առաջին մահապատժի կիրառումն է Իսրայելի հետ համագործակցության մեղադրանքով։ Նախորդ մահվան դատավճիռն իրականացվել է 2011–ի հուլիսին՝ երկու պաղեստինցիների նկատմամբ։