Երկնագույն ուղղաթիռ Էլթոն Ջոնի համար

Հայտնիներն իրենց տարօրինակություններով արդեն վաղուց չեն զարմացնում, բայց ամեն անգամ ստիպում են հիանալ իրենց վառ երևակայությամբ։

Նոյեմբերի 14-ին Ռուսաստանում սպասվում է Էլթոն Ջոնի մենահամերգը։ Ահա և այդ համերգի համար Ջոնի ներկայացրած պահանջներից մի քանիսը հայտնվել են լրագրողների ձեռքում։

Նախ աշխարհահռչակ երաժիշտը պահանջել է, որ իրեն և իր ընտանիքին (նա Մոսկվա է ժամանում իր երկրորդ կեսի և որդու հետ) հենց ինքնաթիռի թռիչքուղում սպասի երկնագույն ուղղաթիռ։

Հրավիրող կողմն ասում է, որ այդ հարցը լուծված է։ Ընդ որում՝ հրավիրողները միանգամից շեշտում են, որ դա ոստիկանական ուղղաթիռ չի լինելու։

Էլթոն Ջոնի պայմաններից մեկն էլ հանդերձարանում հանգստության ապահովումն է ու պարտադիր թարմ ծաղիկների առկայությունը։ Պարզվում է՝ նա նախընտրում է մանուշակ և նարդոս։ Էլթոն Ջոնը նշել է նաև հանդերձարանի պատերի գույնը. նա կհամաձայնի հարդարվել միայն կրեմագույն սենյակում։

Երգիչը նաև հայտարարել է, որ չի ցանկանում իր համերգին տեսնել ԶԼՄ ներկայացուցիչների։ Ըստ պտտվող խոսակցությունների՝ վերջերս կատարված պլաստիկ վիրահատությունն պատճառը է, որ Էլթոն Ջոնը չի ցանկանում պապարացցիների և լուսանկարիչների ուշադրության կենտրոնում հայտնվել