Իրանը կարող է միջուկային զենք ստեղծել

Իրանի խորհրդարանի պատգամավորը հայտարարել է, որ Թեհրանն արդեն կարող է ստեղծել միջուկային զենք, որը մինչ այժմ չի արել, հաղորդում է BBC Russian–ը։ Այս մասին ասված է Իրանի խորհրդարանի պաշտոնական կայքում տեղադրված հայտարարությունում։

Ըստ BBC–ի, պատգամավորը ո՛չ զինվորական է, ո՛չ Իրանի միջուկային ծրագրի հարցով պատասխանատու, և անհասկանալի է, թե ինչ հիմքեր ունի նա նման հայտարարություն անելու համար։

Սակայն արևմտյան փորձագետների կարծիքով, եթե նույնիսկ Իրանն ունի անհրաժեշտ տեխնոլոգիա և միջուկային զենք արտադրելու բավարար հումք, միևնույն է դրա համար տարիներ են անհրաժեշտ։