Հալեպում վերջին շրջանում իրավիճակը հանգիստ է
Մերձավոր Արևելք
Հայաշատ Հալեպում արդեն մեկ շաբաթից ավելի է իրավիճակը հանգիստ է, թեպետ անկայունությունը շարունակվում է:
Այս մասին «Արմենպրես»-ի հետ զրույցում նշեց Բերիո թեմի ազգային առաջնորդարանի խոսնակ Ժիրայր Ռեիսյանը' ավելացնելով, որ հայաշատ թաղամասերում միջադեպեր չեն գրանցվել: «Փխրուն կայունություն է, մաղթենք, որ իրավիճակը չբարդանա»,- նշեց Ռեիսյանը:
Ինչ վերաբերում է էլեկտրականությանը, Ռեիսյանը նշեց, որ այն օրվա ընթացքում մեկ-երկու ժամ է լինում, մնացած ժամերին քաղաքը խավարի մեջ է: Իսկ համացանց ընդհանրապես չի գործում քաղաքում:
Հալեպ քաղաքը 2012թ. ամռանից ի վեր հայտնվել է կառավարական ուժերի և զինված խմբավորումների, այդ թվում' «Ջաբհա ան Նուսրա» և այլ իսլամիստական, ինչպես նաև արևմուտքից աջակցություն ստացող ընդդիմադիր խմբավորումների բախումների թիրախում:
Բախումներն այնտեղ մինչև օրս շարունակվում են: Քաղաքի արևմտյան թաղամասերը գտնվում են կառավարական ուժերի, իսկ արևելյան թաղամասերը' զինված խմբավորումների հսկողության տակ:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
