Սիրիական բանակը Լաթաքիայում նոր տարածքներ է ազատագրել
Մերձավոր Արևելք
Սիրիական բանակն ազգային պաշտպանական ջոկատների հետ համագործակցության արդյունքում վերահսկողություն է հաստատել Լաթաքիայի նահանգի մի քանի տարածքների վրա:
Ինչպես հաղորդում է «Արմենպրես»-ը' վկայակոչելով սիրիական ՍԱՆԱ գործակալությունը, «Ջաբհա ան Նուսրայի» ահաբեկիչներից ազատագրվել են Ռայանա, Բեյթ Այուշ գյուղերը, ինչպես նաև շրջակա ագարակներն ու բլուրները: Բախումների ժամանակ ոչնչացվել են տասնյակ ահաբեկիչներ:
Ռազմական աղբյուրների տեղեկացմամբ, բանակի մեկ այլ ստորաբաժանում Հալեպի Ազազ, ալ Մանսուրա թաղամասերում զինյալների թաքստոցներ է ոչնչացրել:
Կանխվել է ահաբեկչական հարձակումը Արևմտյան Մաքֆար և Արևելյան Մաքֆար գյուղերի վրա:
Միջազգային դաշինքը մայիսի 17-ին 26 օդային հարված է հասցրել Սիրիայում և Իրաքում «Իսլամական պետության» դիրքերին: Սիրիայում օդային ութ հարվածներն ուղղվել են Հասաքե և Քոբանի քաղաքների դիրքերին:
Միջազգային դաշինքը Սիրիայում ԻՊ-ի դեմ ռազմական գործողություններ սկսել է 2014թ. սեպտեմբերին:
ՄԱԿ-ի տվյալներով, Սիրիայում չորս տարի շարունակվող բախումների հետևանքով զոհվել են ավելի քան 220 հազար մարդ:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
