Արտակարգ իրավիճակի ժամանակ ի՞նչ պետք է անել առաջին հերթին

Ցանկացած աղետի պատրաստ լինելու համար Ամերիկյան արտակարգ ծառայությունները մշակել են հրահանգներ։ Դրանք մի քանի պարզ սկզբունքներ են, որոնք կարող են օգնել ձեզ նախապատրաստվելու գրեթե ցանկացած աղետի պատշաճ արձագանքելուն:

ԱՄՆ-ում տարբեր աղետների դեպքում բնակչության համար հրահանգներ կազմում են FEMA-ն (արտակարգ իրավիճակների դաշնային գործակալություն) և առանձին նահանգների համապատասխան գործակալությունները: Ռուսաստանում դրանով զբաղվում են Ռուսաստանի արտակարգ իրավիճակների նախարարությունը, տեղական ՔՊ և ԱԻ, արտակարգ իրավիճակների ռուսաստանյան համակարգի մյուս ստորաբաժանումները: Արտակարգ Իրավիճակների նախարարությունից տեղեկացնւմ են, որ Հայաստանում բնակչության շրջանում այդ խնդիրն իրականացնում են ՀՀ ԱԻՆ-ը, ճգնաժամային կառավարման ինստիտուտը, ԱԻՎ մարզային ստորաբաժանումները: Մյուս երկրներում, որտեղ դուք, հնարավոր է, մի օր լինեք, նույնպես կան նման գործակալություններ: Աղետներին արձագանքելու ընդհանուր սկզբունքները միասնական են, բայց ամեն մի տարածաշրջան ունի իր առանձնահատկությունը, որը տեղական արտակարգ ծառայություններն ավելի լավ գիտեն:

Ի՞նչ պետք է անել առաջին հերթին Արտակարգ իրավիճակի ժամանակ. նախ պահպանեք հանգստություն: Ցանկացած ԱԻ-ում առաջնակարգ նշանականություն ունի ոչ թե այն, ինչ պետք է անել, այլ այն, ինչ չպետք է անել: Ձեզ համար գլխավոր վտանգը թաքնված է հենց ձեր հապճեպ, չմտածված գործողությունների մեջ:

Ուստի, ամենից առաջ, պահպանե´ք հանգստություն: Ի դեպ, հանգստությունն էլ կյանքի և մահվան միջև սահմանն է: Ուզածդ արտակարգ իրավիճակի ժամանակ սահմանը, որից այն կողմ սկսվում է մահը, այն եզրն է, որից հետո մարդը կորցնում է հոգեկան հավասարակշռությունը և սկսում իրեն կործանման հանգեցնող չմտածված արարքներ կատարել:

Կշռադատեք ձեր գործողությունները և չմտածված քայլեր մի´ ձեռնարկեք:

Եթե դուք վաղօրոք ծանոթանաք և մտապահեք այս կամ այն արտակարգ իրավիճակում գործելու ընդհանուր կանոնները, այդ դեպքում ձեզ մնում է միայն ընդհանուր կանոնները հարմարեցնել կոնկրետ իրադրությանը և կազմել ԱԻ արձագանքելու ձեր անհատական պլանը:

Իսկ թե ինչպե՞ս կազմել արձագանքելու ձեր անհատական պլանը կներկայացնենք հաջորդիվ…