Սիրիայի ընդդիմությունը հրաժարվել է զինադադար հայտարարելու գրավոր երաշխիքներից

Սիրիայի ընդդիմության «Սիրիայի անկախ բանակ»–ի հրամանատարությունը հրաժարվել է հրադադարի կնքման գրավոր երաշխիքներ տրամադրել իշխանություններին, հաղորդում է Ռիա նովոստին։

Ավելի վաղ Սիրիայի իշխանությունները հայտարարել էին, որ քաղաքներից և այլ բնակավայրերից զորքերը դուրս չեն բերի, մինչև ընդդիմության զինված խմբերը գրավոր երաշխիքներ չտրամադրեն հրադադարի կնքման մասին։

Սիրիայի արտաքին գործերի նախարարության մամլո խոսնակը հայտարարել է, որ ՄԱԿ–ի և ԱՊԼ–ի հատուկ բանագնաց Քոֆի Անանի հայտարարությունն առ այն, որ մինչև ապրիլի 10-ը պետք է Սիրիայի իշխանություններն անհապաղ դուրս բերեն քաղաքներից զորքերը՝ «սխալ բացատրություն է»։ Ըստ մամլո խոսնակի, Քոֆի Անանն ընդդիմության անունից հրդադարի համաձայնագիր կնքելու համար իշխանություններին գրավոր հավաստիացումներ չի տվել։

Երկուշաբթի, Քոֆի Անանը հայտարարել էր, որ պաշտոնական Դամասկոսը համաձայնել է մինչև ապրիլի 10-ն ապահովել քաղաքներից կառավարական զորքերի դուրս բերումը։ Նա նաև առաջարկել էր հակամարտող կողմերին 48 ժամվա ընթացքում դադարեցնել մարտերը։ 
Հինգշաբթի, որ Սիրիայի իշխանությունները Անանին հայտնել էին, որ մասնակիորեն դուրս են բերում զորքեը Սիրիայի Իդլիբ, Զաբադանի և Դերաա քաղաքներից։