«Հուրիեթն» Էրդողանին փոխհատուցում կվճարի
Թուրքիա
Անկարայի դատարանը թուրքական «Հուրիեթ» պարբերականին մեղավոր է ճանաչել իր հոդվածներից մեկում նախագահ Ռեջեփ Թայիփ Էրդողանին վիրավորելու առնչությամբ:
Ինչպես հաղորդում է «Արմենպրես»-ը՝ վկայակոչելով թուրքական TRT Turk-ը, որոշումն ընդունվել է 2014 թվականի օգոստոսին հրապարակված հոդվածի վերաբերյալ:
Էրդողանի փաստաբան Մուամմեր Ջեմալօղլուն դատարանում պնդել է, որ «Հուրիեթի» հոդվածն անցել է «մամուլի ազատության սահմանները» և «վիրավորանքներ է պարունակել»: Ջեմալօղլուն պահանջել է փոխհատուցում վճարել 100 հազար թուրքական լիրայի (ավելի քան 38 հազար ԱՄՆ դոլար) չափով:
Դատարանը մասամբ բավարարել է ներկայացված հայցը և որոշում է կայացրել, որ հոդվածի հեղինակ Մեհմեդ Յըլմազը և «Հուրիեթի» տնօրենների խորհրդի ղեկավար Վուսլաթ Դողան Սաբանջըն Էրդողանին պետք է վճարեն 20 հազար թուրքական լիրա (շուրջ 7 հազար 700 ԱՄՆ դոլար) փոխհատուցում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
