Հանդիսատեսը սուլել է Սոբչակի կողմից Չուլպան Խամատովային տված հարցի համար

Հեռուստահաղորդավարուհի Կսենիա Սոբչակի հարցից հետո սուլոցներ են հնչել «Ника» կինոմրցանակաբաշխության ժամանակ, երբ որ Սոբչակը դերասանուհի Չուլպան Խամատովային հարցրել է Վլադիմիր Պուտինի համար քարոզչություն իրականացնելու մասին, հաղորդում է Interfax–ը։

«Նվիրիր կյանք» բարեգործական հիմնադրամի համահիմնադիրները՝ դերասանուհիներ Չուլպան Խամատովան և Դինա Կորզունը բարձրացել են բեմ՝ ստանալու Ռուսաստանի կինեմատոգրաֆիստների ակադեմիայի կողմից «Ника» մրցանակը, որին արժանացել էին հիվանդ երեխաներին օգնելու համար։

Ռուսաստանի Ազգային թատրոնի ղեկավար Եվգենի Միրոնովը, հանձնելով մրցանակը, հայտարարել է, որ դերասանուհիները «բարության և անտարբերության փոթորիկ առաջացրին»։ Միրոնովը նաև խոսել է մարդկանց կողմից քննադատությունների մասին առ այն, որ դերասանուհիներն իրենց նկարահանած ֆիլմերից մեկում կոչ են անում քվեարկել նախագահի թեկնածու Վլադիմիր Պուտինի օգտին։

Մրցանակաբաշխության եզրափակիչ փուլը վարող Կսենիա Սոբչակը, շարունակելով Միրոնովի խոսքը, Խամատովային հարցրել է՝ արդյո՞ք նա կդառնար Պուտինի օգտին քարոզող, եթե չզբաղվեր բարեգործությամբ։ Այդ պահին դահլիճում գտնվող հանդիսատեսը սկսել է սուլել, իսկ մցանակաբաշխության հեղինակ և երկրորդ հաղորդավար Յուլի Գուսմանը Սոբչակին խուրհուրդ է տվել երեկոն չվերածել քաղաքական հարցերի քննարկման վայրի, ինչին ի պատասխան Սոբչակն ասել է, որ «յուրաքանչյուր մարդ ունի խոսքի ազատության իրավունք, և ես տալիս եմ այն հարցերը, որը ես անհրաժեշտ եմ համարում»։