Նույնիսկ Ադրբեջանը չի աջակցում Հայաստանում ադրբեջանական ֆիլմերի փառատոն անցկացնելու գաղափարին

Ադրբեջանի մշակույթի և զբոսաշրջության նախարարությունը չի աջակցում ապրիլի 12-ին Գյումրի քաղաքում ադրբեջանական ֆիլմերի փառատոն անցկացնելու նախագծին, հաղորդում է 1news.az-ը՝ մեջբերելով նախարարության կինոարտադրողների բաժնի ղեկավար Յուսիֆ Շեյխովի հայտարարությունը։

«Ես չեմ հասկանում, թե ինչպես հայերը կստանան այդ ֆիլմերը։ Չէ որ դրանք բոլորը պահվում են մեր Ֆիլմերի պետական հիմնադրամում, և առանց պետության թույլտվության ոչ մի ֆիլմ չի կարող այդտեղից վերցվել», - նշել է Շեյխովը։

Հիշեցնենք, որ մամուլում շրջանառվող տեղեկատվության համաձայն, ապրիլի 12-ին՝ Գյումրիի լրագրողների ակումբում, տեղի կունենա ադրբեջանական ֆիլմերի կինոփառատոն, որի շրջանակներում կցուցադրվեն՝ 2007-2008 թթ.-ին Ադրբեջանում նկարահանված 4 կարճամետրաժ (մեկ վավերագրական, երեք գեղարվեստական) ֆիլմ՝ հայերեն թարգմանությամբ։ Քվեարկության արդյունքում կորոշվի կինոփառատոնի մրցանակակիրը «Հանդիսատեսի համակրանք» միակ անվանակարգում։ Փառատոնն անց է կացվում «Խաղարարար նախաձեռնությունների կովկասյան կենտրոնի» նախաձեռնությամբ՝ ՀՀ-ում ԱՄՆ և Մեծ Բրիտանիայի դեսպանատների աջակցությամբ։