Թուրքիան չի ընդունի ԵՄ-ԱՄՆ առևտրային համաձայնագիրը` առանց իր շահերը հաշվի առնելու. Թուրքիայի փոխվարչապետ
Թուրքիա
Անկարան չի ընդունի ԱՄՆ-ի և ԵՄ-ի միջև Անդրատլանտյան առևտրի և ներդրումային գործընկերության մասին համաձայնագիրը (ԱԱՆԳ), եթե այն կնքեն առանց իր երկրի շահերը հաշվի առնելու, քանի որ համաձայնագիրը կարող է լուրջ վնաս հասցնել թուրքական տնտեսությանը, հայտարարել է երկրի փոխվարչապետ Նուլման Քուրթուլմուշը: Այս մասին գրում է ՌԻԱ «Նովոստին»:
Անկարան ձգտում է հասնել ԵՄ-ի հետ մաքսային միության պայմանների վերանայմանը, համաձայն որի Թուրքիան պետք է բացի իր շուկաները երրորդ երկրների համար, որոնք ԵՄ-ի հետ ազատ առևտրի մասին համաձայնագիր կկնքեն: Միևնույն ժամանակ, թուրքական ապրանքները չեն կարող առանց մաքսատուրքի դուրս գալ երրորդ երկրների շուկաներ, քանի որ Թուրքիան ԵՄ անդամ չէ:
«Քանի որ ԱԱՆԳ-ի վերաբերյալ բանակցությունները շարունակվում են, կառաջանան լուրջ խնդիրներ ԱՄՆ-ի առավել լիբերալ տնտեսության և ԵՄ-ի ղեկավարվող տնտեսության միջև: Մենք ոչինչ չենք ընդունի որպես կայացած փաստ»,- մեջբերել է փոխվարչապետի խոսքը Anаdolu գործակալությունը:
Թուրք պաշտոնյան մեջբերել է հետազոտության տվյալներ, համաձայն որի ԱԱՆԳ-ի մասին համաձայնագրի կնքումը կարող է հանգեցնել թուրքական տնտեսության 2.5%-ով անկմանը և գործազրկության 0.4%-ով ավելացմանը:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
