Հայաստանը լրիվ կախման մեջ է արտաքին աշխարհից. Աշոտ Մանուչարյան

Հայաստանը լրիվ կախման մեջ է արտաքին աշխարհից. մի կողմից ԱՄՆ-ի ու Անգլիայի համատեղ քաղաքականությունից, իսկ մյուս կողմից՝ Ռուսաստանի: Այսօր լրագրողների հետ հանդիպման ժամանակ նման համոզմունք հայտնեց Աշոտ Մանուչարյանը:

«Հայաստանում սպասվում են ինտենսիվ իրադարձություններ՝ արտաքին ուժերի գործունեությամբ: Ռուսաստանը ցանկանում է ուժեղացնել իր դիրքերը: Հայաստանի համար խորը պայքար է գնում, որովհետև տարածաշրջանի հետ կապված կարևոր խնդիրներ կան: Իսկ թե ինչ լծակներ կօգտագործեն, դժվար է ասել»,- ասաց Մանուչարյանը:

Աշոտ Մանուչարյանը կարծիք հայտնեց, որ Ռուսաստանի ներգործելու միջոցները բավական ազդեցիկ են: «Նա կարծես վերջին փորձն է կատարելու՝ պաշտպանելու համար իր շահերը մեր տարածաշրջանում, բայց չի բացառվում, որ պարտություն կրի»:

Հարցին, թե ԼՂՀ կարգավորման հարցում առաջընթաց տեսնո՞ւմ է, բանախոսը պատասխանեց. «Կարգավորում չի լինի, հեռանկար չկա»: