The Wall Street Journal. Սինգապուրի նախկին առաջնորդ Լի Կուան Յուն տառապում է նյարդային հիվանդությամբ

Սինգապուրի նախկին վարչապետ Լի Կուան Յուն՝ ով նաև համարվում է այդ երկրի կենդանի «լեգենդ», տառապում է նյարդային ծանր հիվանդությամբ։

Նախկին վարչապետի ծանր հիվանդությունը լուրջ խոչընդոտում է նրա ազատ տեղաշարժը։ Սինգապուրի Նյարդաբանության ազգային ինստիտուտի տնօրենի խոսքերով 88-ամյա վարչապետը տառապում է վերջույթների նյարդային խանգարմամբ, որը սահմանափակում է հիվանդի ազատ տեղաշարժը։ Այս մասին Sunday Times պարբերականին է հայտնել վարչապետի դուստրը։ «Ես ոչ մի կասկած չունեմ, որ հայրս կպայքարի իր հիվանդության դեմ և կապաքինվի, քանի որ նա դեռ կարող է ծառայել իր երկրի և ընդհանրապես աշխարհի բարօրության և զարգացման համար», – ասել է վարչապետի դուստրը։ Լի Կուան Յուն 1959 թ-ին,  երբ Սինգապուրն անկախացավ, դրանից հետո երեսուն տարի անընդմեջ՝ մինչև 1990 թվականը կառավարել է Սինգապուրը։ Նա է եղել Սինգապուրի իշխող «Ժողովրդական շարժում» կուսակցության ղեկավարը և նա է գլխավորել Սինգապուրի անկախացման շարժումը։ Պարոն Լիին է վերագրվում Սինգապուրի քաղաքական և տնտեսական զարգացումները։ Նրա կառավարման տարիներին Սինգապուրը «Երրորդ աշխարհի»–ի երկրների շարքից դուրս է եկել և այսօր այն համարվում է աշխարհում տնտեսապես զարգացած և հարուստ երկրներից մեկը։