Թուրքական մեջլիսի պատգամավորի անկախ թեկնածուն հայտնաբերվել է ծեծված
Թուրքիա
Թուրքիայի խորհրդարանական ընտրություններում իր թեկնածությունն առաջադրած պատգամավորի անկախ թեկնածու Իբրահիմ Հալիլ Գյողուշը, ով անհետացել էր, հայտնաբերվել է շղթայված ձեռքերով և ծեծված: Ինչպես հաղորդում է «Արմենպրես»-ը, այս մասին տեղեկա ցնում է թուրքական Demokrathaber.net-ը:
41-ամյա Իբրահիմը մայիսի 30-ի երեկոյան նախընտրական աշխատանքներ անելուց հետո անհետացել էր: Չկարողանալով նրան գտնել նախընտրական գրասենյակներում և բարեկամների տանը, ոստիկանական բաժնի աշխատակիցները սկսել էին նրա որոնողական աշխատանքները: Չորս օրվա որոնումներից հետո իրավապահ մարմինները գտել են նրան Գազիանթեփ (Այնթափ)-Նիզիփ ճանապարհի վրա' պլաստիկ ձեռնաշղթաներով և վիրավոր: Պատգամավորի անկախ թեկնածուին անմիջապես տեղափոխել էին հիվանդանոց:
Ուշքի գալուց հետո Իբրահիմն ասել է, որ չի հիշում, թե ովքեր են իրեն այդ օրը գցել: Իրավապահ մարմինները ներկայում աշխատանքներ են տանում պարզելու գործի մանրամասները:
Թուրքիայում խորհրդարանական ընտրությունները կմեկնարկեն հունիսի 7-ին: Երկրի ներսում ընտրություններին կմասնակցի 53 միլիոն 765 հազար 231 մարդ, իսկ արտասահմանում' 2 միլիոն 867 հազար 658: Ընտրություններում ներգրավված են 20 կուսակցություն, պատգամավորության 165 անկախ թեկնածուներ:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
