Էջմիածնում երեխաները դասերից ազատված չեն եղել

Ըստ մամուլում հրապարակված տեղեկությունների՝ Էջմիածնում Սերժ Սարգսյանի այցելության կապակցությամբ, այսօր դասերից ազատվել են Էջմիածնի դպրոցականները: Լուրեր.com-ի աղբյուրները հայտնում են, որ դպրոցականներին զգուշացված է եղել, որ այսօր լինելու են միայն առաջին երկու դասաժամերը, որից հետո երեխաներն ազատ են լինելու։ Սերժ Սարգսյանի հետ հանդիպմանը մասնակցել են ուսուցիչները և դպրոցի անձնակազմը, իսկ աշակերտների ծնողներից մի քանիսը նշել են, որ նման «հրահանգ» չեն ստացել:

Հիշեցնենք, որ երեկ «ՀԺ»-ն Էջմիածնից տեղեկություններ էր ստացել, որ Սերժ Սարգսյանի այցելության կապակցությամբ այսօր դասերից ազատվել են Էջմիածնի դպրոցականները, և չեն գործելու մանկապարտեզները: Դպրոցների ուսուցիչները, մանկապարտեզների աշխատակիցները հրահանգ են ստացել երեխաների ծնողների հետ միասին ներկայանալ Էջմիածնի կենտրոնական հրապարակ, որտեղ տեղի է ունենալու Սերժ Սարգսյանի մասնակցությամբ հանրահավաքը:

Լուսանկարը՝ Panarmenian Photo–ի։