Խոշոր ավտովթար Չինաստանում. Կան տասնյակ զոհեր

Նախնական տվյալներով առնվազն 23 մարդ է զոհվել Չինաստանի արևելյան շրջաններից մեկում տեղի ունեցած ավտովթարի հետևանքով։ Ավտոբուսը բախվել է ավազ տեղփոխող բեռնատար մեքենային, հաղորդում է Associated Press-ը։ 

Դեպքը տեղի է ունեցել Անհուի մարզի Սուժու քաղաքում։ Տեղական իշխանությունները հայտնում են, որ դեռ հայտնի չէ, թե քանի ուղևոր է եղել ավտոբուսում։ Չինաստանում՝ մասնավորապես մարզերում առկա ճանապարհային վատ պայմանների պատճառով տեղի ունեցած ավտովթարներից տարեկան զոհվում է 70 հազար մարդ և 300 հազարը՝ վիրավորվում։