Ֆլորիդայում մեղադրանք է առաջադրվել սևամորթ դեռահասի մարդասպանի նկատմամբ

Ֆլորիդայի դատախազությունը մեղադրանք է առաջադրել սևամորթ դեռահասին սպանած Ջորջ Զիմերմանի նկատմամբ, 2-րդ աստիճանի սպանության մեղադրանքով, հաղորդում է Associated Press–ը։ 

Այժմ Զիմերմանը կալանքի տակ է գտնվում։ Նրա կալանքի վայրի մասին որևէ տեղեկություն դեռևս հայտնի չէ։ Մարդասպանը առաջիկա 24 ժամվա ընթացքում կկանգնի առաջին ատյանի դատարանի առաջ։ 

Հիշեցնենք, որ 17–ամյա Տրեվոր Մարտինի սպանությունը տեղի էր ունեցել փետրվարի 26-ին։ 28–ամյա Զիմերմանը, որը հսկողության տակ գտնվող թաղամասի պահպանության աշխատակիցներից է եղել, այդ տարածքում հայտնված սևամորթ դեռահասին տեսնելով՝ զանգահարել է 911, ինչից հետո սկսվել է դեռահասի նկատմամբ հետապնդումը և նրանց միջև բռնկված վեճից հետո Զիմերմանը սպանել է նրան։

Սկզբում Զիմերմանի նկատմամբ մեղադրանք չի առաջադրվել, քանի որ ոստիկանությունը հայտարարել է, որ իրենց աշխատակիցը գործել է ծառայողական պարտակությունների շրջանակներում։