Ռուբեն Հայրապետյանը կդադարի հարգել Ալեքսանյանին, եթե վերջինս Փաշինյանի հետ բանավեճի գնա

Այսօր՝ լրագրողների հետ հանդիպման ժամանակ, ՀՖՖ նախագահ Ռուբեն Հայրապետյանը նշել է, որ ինքը վերջնականապես որոշել է առաջադրվել Ավանի թիվ 1 ընտրատարածքում, քանի որ վերջերս նրան տեղեկություններ էին հասել, որ ՀԱԿ առաջնորդ Լևոն Տեր-Պետրոսյանն ուզում է առաջադրվել նույն ընտրատարածքում:

«Ես էլ ուզեցի օգտվել հաճույքից և անպայման առաջադրվել՝ քաղաքական բանավեճերի միջոցով ցույց տալու, թե ով է նա իրականում»,-ասաց Ռուբեն Հայրապետյանը:

«Այս վերջերս էլ մի հայտարարություն է արել, որ ինքը «ռազբորկի» չի գնում: Տարիներ շարունակ ինքը ձգտել է ինձ հետ շփվել: Եկել, շփվել է: Էդ շփումները, եթե ռազբորկա են եղել, ուրեմն այս մի «ռազբորկային» էլ կարող է գալ»,- նշեց Հայրապետյանը, և հավելեց, որ ՀԱԿ-ը, ծայրից ծայր իրեն տեսնելով, պետք է ամաչի»,- ասաց նա՝ պատասխանելով հարցին, թե քաղաքական դաշտում կա մարդ, ով Ռուբեն Հայրապետյանին տեսնելուց պետք է ամաչի:

«Իսկ կարելի՞ է իմանալ, ո՞վ է Տիգրան Արզաքանցյանը: Կներեք՝ տեղը չեմ բերում, չեմ ճանաչում»,- ասաց Ռուբեն Հայրապետյանը՝ պատասխանելով լրագրողներից մեկի այն հարցին, թե «ինչպե՞ս է վերաբերում Տիգրան Արզաքանցյանին, ում փոխարեն առաջադրվել է Մանվել Բադեյանը»:

Բանախոսն անդրադարձավ նաև Փաշինյան-Ալեքսանյան բանավեճին.

«Կարող ա՞ Ալեքսանյանը Նիկոլից վախենում է, թե՞ խելքն է նրանից պակաս»,-ասաց Հայրապետյանը և հավելեց, որ եթե իր ընկերն ընդունի Նիկոլ Փաշինյանի առաջարկը և բանավիճի նրա հետ, ապա վերջինս կդադարի հարգել իր ընկերոջ:

«Ալեքսանյանին կդադարեմ հարգել, եթե գնա Նիկոլի հետ հավասարվի»,-ասաց Հայրապետյանը: