Նախընտրական լարվածություն Աջափնյակում

Աջափնյակ վարչական շրջանն ընդգրկող թիվ 6 ընտրատարածքում ինքնաառաջադրված Ավետ Պողոսյանի նախընտրական շտաբից Լուրեր.com-ի խմբագրություն ահազանգ է ստացվել, որ Աջափնյակ վարչական շրջանի թիվ 5 համատիրությունից պահանջել են հանել նրա քարոզչական պաստառներից մեկը:

Տեղեկությունները ճշտելու համար Լուրեր.com-ը զանգահարեց Աջափնյակ վարչական շրջանի թիվ 5 համատիրություն, որտեղ մեզ ասացին, որ ՀԱԿ-ից իրենց մոտ եկել են, բայց իրենք չեն ասել, որ պաստառները հանեն: «Իրենք չորս օր պաստառները կախելուց հետո եկել են մեզ մոտ և ցանկացել են Հակոբի (համատիրության նախագահ) թույլտվությունը: Իսկ Հակոբն էլ պատասխանել է, որ այդ թույլտվությունn ինքը չի տալիս, այլ շենքի բնակիչները, իսկ հիմա մեր շենքի տեսուչը գնացել է այդ հարցով: Նրանց պաստառն էլ բավականին մեծ է եղել և պետք է համապատասխանեցնել ստանդարտներին: Հենց հիմա դա ճշտվում է, բայց մենք ոչ թե մերժել ենք կամ չենք թույլատրել, այլ իրենք են չորս հինգ օր դնելուց հետո նոր եկել Հակոբին ասել, թե պետք է տա թույլտվություն, իսկ նա էլ պատասխանել է, որ նախ արդեն կախված է, երկրորդն էլ ինչի պետք է նա թույլ տա: Մենք առաջին անգամն ենք բախվում նման խնդրի հետ, որ համատիրությունը պետք է թույլ տա, որ կախեն, նման բան դեռ չէր եղել», - նշեց համատիրության գանձապահ Հակոբյան Ջուլիետան:

Լուրեր.com–ը կհետևի իրադարձությունների հետագա զարգացմանը և այդ մասին կտեղեկացնի իր ընթերցողներին։