Սիրիայում զինադադարի հաստատումից հետո քաղաքացի է սպանվել

Սիրիայում այսօր վաղ առավոտից հաստատված զինադադարից հետո քաղաքացիական անձ է սպանվել։ Այդ մասին հայտարարել է Syrian Observatory for Human Rights բրիտանական իրավապաշտպան կազմակերպության ներկայացուցիչը, հաղորդում է France-Presse–ը։  

Քաղաքացիական անձը սպանվել է Սիրիայի կենտրոնական շրջանում՝ Համա նահանգի Մհարդադեհ քաղաքում։ Ինչպես հայտնել է իրավապաշտպանը, նրան սպանել են կամ կանոնավոր կառավարական զորքերը, կամ Ասադի ռեժիմին հավատարիմ «Սաբիհա» ոստիկանական ջոկատի ուժերը։

Սպանությունը կատարվել է զինադադարը հաստատելուց վեց ժամ հետո։ Իբրահիմ ալ–Ահմադին սպանվել է, երբ նա հրաժարվել է սպասել սահմանային հսկողության անցակետում։