Թուրքիան YouTube-ից պահանջել է հեռացնել Մուհամեդ մարգարեին վիրավորող տեսանյութերը

Մուհամեդ մարգարեի վերաբերյալ YouTube տեսահոսթինգում հրապարակված 12 տեսանյութի հետևանքով երկրում կայքի հասանելիությունը կարող է կրկին արգելափակվել:

Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:

Թուրքական Գյուլբաշըի հաշտարար դատարանը դիմել է համացանցի հասանելիությունն ապահովող միություն' պահանջելով իրենց բողոքը հասցնել YouTube տեսահոսթինգին: Դատարանը նշել է, որ վերջերս կայք է ներբեռնվել 12 տեսանյութ, որոնց բովանդակությունը վիրավորում է Մուհամեդ մարգարեին: Այն պահանջել է դադարեցնել այդ տեսանյութերի հասանելիությունը, հակառակ դեպքում YouTube-ը կարող է անհասանելի դառնալ ողջ Թուրքիայում: