Քեմալականներն անվանել են մեջլիսի խոսնակի պաշտոնում իրենց թեկնածուին
Թուրքիա
Թուրքիայի խորհրդարանական ընտրությունների վերջնական արդյունքների հայտարարումից և 25-րդ գումարման նստաշրջանի պաշտոնական բացումից հետո ընդդիմադիր քեմալական Հանրապետական ժողովրդական կուսակցությունը անվանել է մեջլիսի խոսնակի պաշտոնին իր կողմից առաջադրվելիք թեկնածուին:
Ինչպես հաղորդում է «Արմենպրես»-ը' վկայակոչելով թուրքական HaberTurk-ը, քեմալական կուսակցությունը խոսնակի պաշտոնում առաջադրել է կուսակցության նախկին ղեկավար, Անթալիայից ընտրված պատգամավոր Դենիզ Բայկալին, ով ներկայում մեջլիսի խոսնակի պաշտոնակատարն է' որպես Թուրքիայի Ազգային մեծ ժողովի ամենատարեց պատգամավոր:
Կուսակցությունը վերջնական որոշումը կայացրել է 1,5 ժամ տևած հավաքից հետո:
Թուրքիայի մեջլիսի խոսնակի ընտրությունների առաջին և երկրորդ փուլերը տեղի կունենան հունիսի 30-ին, իսկ այդ ընթացքում որևէ մեկի չընտրվելու պարագայում երրորդ և չորրորդ փուլերը կկայանան արդեն հուլիսի 1-ին: Խոսնակի ընտրությունից հետո երկրի նախագահը կհանձնարարի վարչապետի պաշտոնակատարին կազմել կառավարություն, որը պետք է վերջնական տեսք ունենա 45 օր անց:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
