Դավութօղլուն հայտարարել է մեջլիսի խոսնակի իրենց թեկնածուի անունը
Թուրքիա
Թուրքիայի իշխող «Արդարություն և զարգացում» կուսակցության (ԱԶԿ) առաջնորդ Ահմեդ Դավութօղլուն հայտարարել է նորընտիր խորհրդարանի խոսնակի պաշտոնում իրենց առաջադրած թեկնածուի անունը:
Ինչպես հաղորդում է «Արմենպրես»-ը՝ վկայակոչելով թուրքական «Հաբերլեր» լրատվականը, ԱԶԿ-ի առաջադրած թեկնածուն Թուրքիայի ազգային պաշտպանության նախարարի պաշտոնակատար Իսմեթ Յըլմազն է:
Ավելի վաղ Թուրքիայի մեջլիս մտած մյուս կուսակցությունները ևս հայտարարել էին խոսնակի պաշտոնում իրենց թեկնածուների անունները: Հանրապետական ժողովրդական կուսակցության (ՀԺԿ) թեկնածուն Դենիզ Բայքալն է, քրդական Ժողովուրդների դեմոկրատական կուսակցության (ԺԴԿ) թեկնածուն' Դենգիր Միր Մեհմեթ Ֆըրաթը, «Ազգայնական շարժում» կուսակցության թեկնածուն' Էքմելեդդին Իհսանօղլուն:
Թուրքիայի խորհրդարանի խոսնակի ընտրությունների առաջին եւ երկրորդ փուլերը կանցկացվեն հունիսի 30-ին, իսկ այդ ժամանակ որեւէ մեկի չընտրվելու պարագայում երրորդ եւ չորորդ փուլերը կկայանան հուլիսի 1-ին: Խոսնակի ընտրությունից հետո երկրի նախագահը վարչապետի պաշտոնակատար Ահմեդ Դավութօղլուին կհանձնարարի կազմել կառավարություն, որը պետք է վերջնական տեսք ստանա խորհրդարանական ընտրություններից 45 օր անց:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
