Նախարարն ընդունել է Լատվիայի դեսպանին
Արտաքին Քաղաքական
ՀՀ կրթության և գիտության նախարար Արմեն Աշոտյանն այսօր ընդունել է ՀՀ-ում Լատվիայի Հանրապետության արտակարգ և լիազոր դեսպան Գինտս Ապալսին: Հանդիպման ընթացքում քննարկվել են հայ-լատվիական կրթական համագործակցության հարցեր: Ողջունելով դեսպանին՝ նախարարը հույս է հայտնել, որ կրթության ոլորտում համագործակցությունը նոր շունչ կհաղորդի երկու երկրների և ժողովուրդների միջև ձևավորված ավանդական կապերին:
Նախարար Աշոտյանը նշել է, որ հայկական կողմն ակնկալում է Մերձբալթյան երկրների, այդ թվում՝ Լատվիայի փորձը, եվրոպական կրթական տարածքին լիարժեք ինտեգրման, մասնավորապես, դիպլոմների փոխճանաչման, ուսանողների փոխանակության, եվրոպական արժեքների ներմուծման խնդիրներում: Այս համատեքստում նախարարը դեսպանին տեղեկացրել է, որ Հայաստանը առաջիկա երեք տարիներին ստանձնել է Բոլոնիայի քարտուղարության նախագահությունը և 2015 թվականին նախատեսվում է նախարարների գագաթաժողով Հայաստանում:
Դեսպանը, շնորհակալություն հայտնելով ընդունելության համար, իր հերթին նշել է, որ կրթության և մշակույթի ոլորտները երկու երկրների միջև առկա համագործակցության կարևորագույն ոլորտներից են, և վերջինս պետք է շարունակական բնույթ կրի:
Հանդիպման ընթացքում քննարկվել են նաև միջբուհական համագործակցության և եվրոպագիտության դասավանդման հետ կապված խնդիրներ:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
