Արթուր Եղիազարյանը ՀՅԴ-ի նախընտրական ծրագիրը 100% իրատեսական է համարում (Տեսանյութ)

Մալաթիա-Սեբաստիա համայնքն ընդգրկող թիվ 8 ընտրատեղամասում Հայ հեղափոխական դաշնակցությունն առաջադրել է Արթուր Եղիազարյանի թեկնածությունը: Լուրեր.com-ի այն հարցին, թե որքան իրատեսական է համարում ՀՅԴ նախընտրական ծրագիրը, Եղիազարյանը պատասխանեց.

«100 տոկոս եմ գնահատում իրատեսական լինելը, որովհետև ծրագիրը մեկ օրվա պոպուլիստական ցանկությունների արտահայտություն չէ: Այն գիտական աշխատություն է, որտեղ լուրջ մարդիկ են աշխատել և երբ մենք մի կետի վերաբերյալ թռիչքային զարգացման ուղի ենք նշում, միջոցներն ենք ցույց տալիս, թե ինչպես ենք լուծելու: Ցանկություն է պետք իրականացնելու:

Հիշեցնենք, որ Դաշնակցությունն իր նախընտրական ծրագրում խոստանում է կրկնապատկել կենսաթոշակների չափը, եռապատկել բյուջեն և կրկնապատկել ՀՆԱ-ն: