LՂ հակամարտության վերաբերյալ որոշում ընդունելու համար անհրաժեշտ է ՄԱԿ ԱԽ-ի 5 մշտական անդամների համաձայնությունը. ՄԱԿ ներկայացուցիչ

Ադրբեջանի ՄԱԿ-ի Անվտանգության խորհրդի ոչ մշտական անդամ ընտրվելու կապակցությամբ այդ կառույցի շրջանակներում կարող է քննարկվել հայ-ադրբեջանական, ԼՂ հակամարտության հետ կապված հարցը։ Ինչպես հայտնում է 1news.az-ը, այդ մասին շաբաթ օրը լրագրողներին ասել է Ադրբեջանում ՄԱԿ-ի ներկայացուցիչ Ֆիքրեթ Աքչուրան։

«Ամեն ինչ կախված է ադրբեջանական կողմի նախաձեռնողականությունից։ Ղարաբաղյան հակամարտության վերաբերյալ որոշում կայացնելու համար անհրաժեշտ է ՄԱԿ Անվտանգության խորհրդի բոլոր 5 մշտական անդամների համաձայնությունը»,- նշել է նա։

Նրա խոսքերով, գույություն ունի ԼՂ հակամարտության կարգավորման շուրջ ՄԱԿ-ի Անվտանգության խորհրդի 4 բանաձև։ Դրանից բացի, այդ բանաձևերի կատարման նպատակով ստեղծվել է ԵԱՀԿ Մինսկի խումբը։

«Սակայն անցած 20 տարում հակամարտությունն այդպես էլ չի լուծվել, ինչը դժգոհություն է առաջացնում մարդկանց մոտ»,- ընդգծել է Ֆ. Աքչուրան։