ԴԱԻՇ-ի դեմ պայքարում Սիրիայի քրդերին միացել է 70 հայ մարտիկ (տեսանյութ)
Մերձավոր Արևելք
ԴԱԻՇ-ի դեմ Սիրիայի ու Իրաքի քրդերի զինված պայքարում նրանց միացել են տարբեր ազգությունների տասնյակ մարտիկներ: Այդ պայքարում Սիրիայի քրդերին միացել է 70 հայ մարտիկ. փոխանցում է Ara News-ը:
Նրանցից մեկը՝ Բարխոդան մականվամբ, Սիրիա է ժամանել գրեթե երկու տարի առաջ, համալրել է տեղի քրդերի Ժողովրդական պաշտպանության ուժերը (YPG) և մասնակցում է ԴԱԻՇ-ի դեմ պայքարին: Նա պատմել է. «Ես 55 տարեկան եմ և Սիրիա եմ ժամանել 70 հայ երիտասարդի հետ, և մենք երկու տարի առաջ համալրեցինք YPG-ի շարքերը:
Մենք պայքարում ենք այստեղ՝ ի պաշտպանություն ԴԱԻՇ-ի ծայրահեղականների ռիսկից հայ ժողովրդի պաշտպանության: Մենք տարբերություն չենք դնում արաբների, քրդերի, քրիստոնյաների ու մուսուլմանների միջև: Օտարազգի շատ մարտիկների համար այստեղ (Հյուսիսային Սիրիա) գտնվելու հիմնական պատճառը մարդկության թշնամիների (ԴԱԻՇ) վերացման անհրաժեշտությունն է:
ԴԱԻՇ-ը սպանում է կանանց ու երեխաների: Այն, ինչ մի քանի օր առաջ տեղի ունեցավ Քոբանիում, որտեղ նրանք սպանեցին հարյուրավոր անմեղ մարդկանց, ինձ համար ավելի մեծ դրդապատճառ է` այդ բարբարոսների դեմ պայքարելու համար՝ չնայած իմ տարիքին: Երբ մենք պայքարում ենք YPG-ի ուժերի հետ միասին, դա իրականում քրդերի շրջանում բարձրացնում է ահաբեկչության դեմ պայքարում ընդհանուր բարոյական կողմը»,- հավելել է Բարխոդան:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
