Հարավաֆրիկյան Հանրապետության 70-ամյա նախագահը 4-րդ կին կունենա

Հարավաֆրիկյան Հանրապետության նախագահ Ջեյկոբ Զուման, որը մի քանի կին ունի, պատրաստվում է ևս մի կնոջ հետ ամուսնանալ, հաղորդում է BBC-ն։

Նախագահի ներկայացուցիչը հաստատել է, որ 70-ամյա Զուման հերթական անգամ ամուսնանալու է հաջորդ շաբաթ։ Հատկանշական է, որ նախագահն ու նոր հարսնացուն՝ Բոնգի Նգեման, դեռևս նախորդ տարի ազգային ավանդույթներով արդեն ամուսնացել են։ 

Այս պահի դրությամբ Զուման օրինական ամուսնացած է երեք կնոջ հետ և ունի 20 երեխա։