Հալեպում էլեկտրականություն ու ջրամատակարարում դեռ չկա
Մերձավոր Արևելք
Հայաշատ Հալեպի բնակիչները շարունակում են ապրել առանց հոսանքի, ջրի և համացանցի: Այս մասին «Արմենպրես»-ի հետ զրույցում տեղեկացրեց Հալեպի մեր աղբյուրը' ավելացնելով, որ շատ բնակիչներ հորերից ջուր են հանում և շշերով վաճառում: «Իհարկե այդ ջրերն ըմպելի չեն և օգտագործվում են առօրյայում»,- նշեց աղբյուրը:
Ինչ վերաբերում է քաղաքում տիրող իրավիճակին, աղբյուրը նշեց, որ պայթյունների և կրակոցների ձայները զգալիորեն նվազել են, չնայած որ համեմատաբար հանգիստ վիճակը կարող է մի վայրկյանում փոխվել: Հալեպի անկայուն և անորոշ վիճակը շարունակվում է:
Աղբյուրը նաև նշեց, որ չի անտեսվում թուրքական ուղղակի կամ անուղղակի գործոնն ահաբեկչական խմբավորումներին աջակցելու հարցում: Հալեպում գործող ահաբեկչական խմբավորումներ կան, որոնք կրում են թուրք սուլթանների անուններ:
Հալեպ քաղաքը 2012թ. ամառվանից ի վեր հայտնվել է կառավարական ուժերի և զինված տասնյակ խմբավորումների բախումների թիրախում: Բախումներն այնտեղ մինչ օրս շարունակվում են: Քաղաքի արևմտյան թաղամասերը գտնվում են կառավարական ուժերի, իսկ արևելյան թաղամասերը' զինված խմբավորումների հսկողության տակ:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
