Չուլպան Խամատովան կներկայացվի Խաղաղության Նոբելյան մրցանակի

Ռուսական «Новая газета»-ն գալիք երեքշաբթի օրը դերասանուհիներ Չուլպան Խամատովայի և Դինա Կորզնայի թեկնածությունները կառաջադրի խաղաղության Նոբելյան մրցանակի՝ կապված վերջիններիս բարեգործական գործունեության հետ։ 

«Մենք կառաջադրենք նրանց թեկնածությունը «մարդկային կյանքերն անշահախնդրորեն փրկելու» ձևակերպմամբ»,-ասել է պարբերականի գլխավոր խմբագիր Դմիտրի Մուրատովը։ 

Չուլպան Խամատովան և Դինա կորզունը 2006-ի նոյեմբերի 26-ին հիմնադրել են «Նվիրի՛ր կյանք» անունով ֆոնդը, որը համանուն համերգներ է կազմակերպում՝ ի աջակցություն քաղցկեղով տառապող երեխաների։ Ֆոնդը օգնություն է տրամադրում ինչպես հիվանդ երեխաներին, այնպես էլ՝ համապատասխան բուժհաստատություններին։