«Տարվա լավագույն երգիչ»՝ Էրիկ, «Տարվա լավագույն երգչուհի»՝ Սոնա Շահգելդյան. Ազգային երաժշտական մրցանակաբաշխություն 2012

Երեկ կայացավ ՀՀ Մշակույթի նախարարության և Հայաստանի հանրային հեռուստատեսության նախաձեռնած Ազգային երաժշտական մրցանակաբաշխությունը, որի ընթացքում հայ երգիչ-երգչուհիները հաղթողներ ճանաչվեցին 15 անվանակարգերում:

Այս տարի կայացած Ազգային երաժշտական մրցանակաբաշխությանը եղան նաև մի քանի հատուկ մրցանակներ' 2011-ին աչքի ընկած կարևոր ու հիշվող մշակութային և երաժշտական նախաձեռնությունների համար:

Ազգային երաժշտական մրցանակաբաշխության ժամանակ «Տարվա հայտնություն» անվանակարգում հաղթող ճանաչվեց Նարինե Դովլաթյանը, «Կատարողական արվեստի տարվա հայտնություն»՝ Նարեկ Հախնազարյանը, «Տարվա լավագույն տեսահոլովակ»՝ Սիրուշո «I like it», «Տարվա լավագույն ալբոմ»՝ «Դորիանս» ռոք խմբի FLY ալբոմը, «Տարվա լավագույն ժողովրդական համույթ»՝ Թաթուլ Ալթունյանի անվան երգի-պարի անսամբլ, «Տարվա լավագույն դուետ»՝ Լիլիթ Հովհաննիսյան և Միհրան Ծառուկյան «Ինչո՞ւ եմ քեզ սիրում», «Տարվա լավագույն ռոք խումբ»՝ The beutifuled project, «Տարվա լավագույն ջազ նախագիծ»՝ Կատուներ, «Տարվա լավագույն նախագիծ»՝ «10+10», «Տարվա լավագույն դասական ալբոմ»՝ Էդգար Հովհաննիսյան «Խմբերգեր», «Տարվա լավագույն սաունդթրեք»՝ Արտո Թունջբոյաջյան «ԱլաԲալաՆիցա», «Տարվա հիթ»՝ Գոհար համույթի «Պապենական Կիլիկիան», «Տարվա լավագույն երգիչ»՝ Էրիկ, «Տարվա լավագույն երգչուհի»՝ Սոնա Շահգելդյան:

Նշենք նաև, որ Ազգային երաժշտական մրցանակաբաշխության ժամանակ հատուկ մրցանակներ հանձնեցին Սիլվիին, Ալեքսանդր Հարությունյանին, Դար 21 հեռուստատեսությանը, ՀՀ պետական երիտասարդական նվագախմբին, Նադեժդա Սարգսյանին, Արթուր Գրիգորյանին, Հանրային ռադիոյի «ոսկե ֆոնդին», Լևոն Մալխասյանին և Լևոն Իգիթյանին, «Գոհար» երգչախմբին, «Շարմ» հոլդինգին, 2011-ի Մանկական Եվրատեսիլի կազմակերպիչներին: