ԵՄ մի քանի երկրներից արգելվել է պաղեստինամետ ակտիվիստներին մեկնել Իսրայել

Մի քանի ավիաընկերություններ, այդ թվում Air France–ը և Lufthansa–ն, հրաժարվել են եվրոպական մի քանի քաղաքների օդանավակայաններում «Բարի գալուստ Պաղեստին» ակցիայի բոլոր մասնակիցներին գրանցելուց, հաղորդում է Euronews–ը։

«Ստացվում է, որ Իսրայելը, փակ երկիր է։ Ինձ այստեղ՝ օդանավակայանում ասացին, որ իմ անունը ենթադրյալ ահաբեկիչների ցուցակում է և ինչ-որ կասկածելի ենթադրյալ ցուցակներում։ Ընդհանուր առմամբ ես Իսրայելում անցանկալի հյուր եմ։ Ես բացատրություն պահանջեցի, սակայն որևէ մեկը դեռ բացատրություն չի տրամադրել», – ասել է ակցիայի ակտիվիստներից մեկը։

Ավելի քան 1200 մարդ ցանկանում էր մեկնել Հորդանան գետի արևմտյան ափ, որպեսզի օգնեն Բեթղեհեմում միջազգային դպրոցի բացմանը։ Իսրայելի իշխանությունները այդ նախաձեռնությունը սադրանք են համարել։

Իսրայելը նախազգուշացրել է, որ եթե պաղեստինամետ ակտիվիստներից որևէ մեկը ժամանի «Սուրբ Երկիր», նրանց արտաքսումը կկատարվի ավիաընկերությունների հաշվին։