Սիրիական բանակը Թադմուրում մոտ 30 ահաբեկչի է ոչնչացրել
Մերձավոր Արևելք
Թադմուրում սիրիական բանակը «Իսլամական պետության» 28 ահաբեկիչների է ոչնչացրել: Ինչպես հաղորդում է «Արմենպրես»-ը, վկայակոչելով միջազգային լրատվամիջոցները, ահաբեկիչները փորձել են ճեղքել ալ Մակալիա շրջանի շրջափակումը:
Արևմտյան ճակատում բախումներն ընթանում են ալ Բայարատե շրջանում, որը գտնվում է քաղաքից 10 կմ հեռավորության վրա:
Նախօրեին՝ հուլիսի 16-ին, սիրիական բանակի զինվորները գրավել են Կասր ալ Խեյր ամրոցը, որը գտնումէ քաղաքից 60 կմ հեռավորության վրա: Սիրիական օդուժը նույնպես հարվածներ է հասցրել ԻՊ-ին ՈՒադի Աբյադ հովտի և Ջաբալ Հիյալ լեռան ուղղությամբ:
Փորձագետները նշում են, որ բանակը դեռ խուսափում է Թադմուրի վրա հարձակվելուց և անցել է շրջափակման գործելաոճին:
ԻՊ-ն Թադմուր քաղաքը գրավել էր մայիսի 21-ին սիրիական բանակի նահանջելուց հետո:
Պալմիրայի' բաց երկնքի տակ թանգարան համարվող ավերակները, որոնք ձգվում են շուրջ երեքկիլոմետր, ներառված են ՅՈՒՆԵՍԿՕ-ի համաշխարհային ժառանգության ցանկում: Այն գտնվում էՍիրիայի մայրաքաղաք Դամասկոսից 204 կմ հեռավորությամբ:
Հնությունների և թանգարանների վարչության պետ Մաամուն Աբդ ալ Քերիմն ավելի վաղ դիմել էր Սիրիայի օդային ուժերին և միջազգային հանրությանը' կոչ անելով պահպանել «սիրիական անապատի մարգարիտը»:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
