«Եվրատեսիլ-2012»–ի համար կառուցվող մարզահամերգային համալիրի շինարարությունն ավարտվել է

Ապրիլի 16-ին ավարտվել է Baku Cristall Hall մարզահամերգային համալիրի շինարարությունը, հաղորդում է 1news.az–ը։ Բաքվում անցկացվող Եվրատեսիլ-2012-ի համար կառուցված մարզահամերգային համալիրի շինարարական աշխատանքները թեև ավարտվել են երեք շաբաթ ուշացումով, սակայն այն պատրաստ է երգի միջազգային մրցույթն անցկացնելու համար։

«Եվրատեսիլ-2012»-ի գործադիր պրոդյուսեր Ադիլ Քերիմլինը լրագրողներին հայտնել է, որ այսօրվանից Baku Crystal Hall-ում կսկսվեն շոուի նախապատրաստական աշխատանքները, որը կիրականացնի գերմանական Brainpool ընկերությունը։