«Երկիր». Ընտրակաշառքը գնալով ձեռք է բերում «օրինականության»
Հայկական Մամուլ
Որքան էլ ընտրություններին մասնակցող քաղաքական ուժերը խոսեն ընտրակաշառքի դեմ և մատնանշեն դրա կործանարար դերը, միևնույն է, ընտրակաշառքը շարունակում է մնալ գլխավոր դերակատարներից մեկը ողջ ընտրական գործընթացում և գնալով ձեռք է բերում «օրինականության» հատկանիշներ: Մատների վրա կարելի է հաշվել, երբ ընտրողը տանից վռնդել է կաշառք բաժանողներին, քանի որ քչերն են, որոնք փողի կարիք չունեն, թեկուզ՝ 10 հազար դրամի:
Երեկ թերթին զանգահարած վանաձորցի մի կին, ում «բախտ էր վիճակվել» ընտրակաշառք ստանալ, նշում էր, որ Վանաձորի կենտրոնական թաղամասերից մեկում, որտեղ ինքն է ապրում, դժգոհություն է բարձրացել. կենտրոնական մասերում ընտրակաշառքի բաժանումը Հանրապետական կուսակցությունն իրականացնում է դասախոսներից մեկի կնոջ միջոցով, ով որոշ փողոցներում բաժանում է 10 հազար դրամ, որոշ տեղերում էլ՝ 5 հազար:
Թերթին զանգահարած կինը 5 հագար դրամ էր ստացել ու հայտարարում էր, որ «քոռ ձայն» էլ չի տա:
Թերթը հարցրել է «եթե 10 հազար դրամ տային, կզանգահարեի՞ք խմբագրություն», կինը պատասխանել է. «Զանգեի՝ ի՞նչ անեի»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
