Մեկ շաբաթում Apple ընկերության կապիտալը նվազել է 50 միլիարդ դոլարով. The Wall Street Journal

Մեկ շաբաթվա ընթացքում Apple ընկերության կապիտալը նվազել է 50 միլիարդ դոլարով։ Ապրիլի 10-ին ընկերության կապիտալը կազմում էր 634 միլիարդ դոլար, իսկ ապրիլի 16–ի երեկոյան այն նվազել է՝ հասնելով 580 միլիարդ դոլարի։ Երկուշաբթի Nasdaq առևտրային բորսայում Apple ապրանքային գները նվազել են 4.1%–ով։

Ինչպես նշում է The Wall Street Journal–ը, ընկերության կապիտալի նվազման պատճառները դեռ հայտնի չեն։ Որոշ վերլուծաբանների կարծիքով, Apple-ի կապիտալի նվազման պատճառը պրոֆիլակտիկ շտկումներ կատարելու նպատակով է իրականացվել։ Ըստ մեկ այլ վարկածի, դրա պատճառներից մեկն էլ այս ամսվա սկզբին հրապարակված վերլուծական զեկույցն էր, որում նշվել էր, որ առաջիկայում iPad պլանշետների վաճառքը կնվազի։ Մարտին ընկերությունը թողարկել է երրորդ սերնդի պլանշետը և հույս հայտնել, որ նոր սերնդի iPad–ը կօգնի մեծացնել ընկերության եկամուտները և շահույթը։

Ընկերության գործողությունների վրա կարող է նաև վատ անդրադառնալ այն լուրերը, որ Apple–ը մտադիր է թողարկել նոր iPad՝ «մինի» ձևաչափի։ Այն կարժենա 200 դոլար, որը կունենա նույն iPad պլանշետի գործառույթներն ու հատկանիշները։ Ներդրողները մտավախություն ունեն, որ մինի-iPad–ը կարող է փոխարինել ավելի թանկ սմարթֆոներին և պլանշետներին, ինչը զգալիորեն կնվազեցնի ընկերության եկամուտները։

Apple ընկերությունը համարվում է ՏՏ ոլորտի այն ամենամեծ կապիտալ ունեցող ընկերություններից մեկը, որոնց բաժնետոմսերը վաճառվում են Nasdaq առևտրային բորսայում։ Վերջին երկու ամիսների ընթացքում ընկերության բաժնետոմսերն արագ աճել են։ Ընկերությունը 500 միլիարդ դոլար կապիտալի շեմը հաղթահարել է միայն փետրվարի վերջին։