Ճապոնական փորագրանկարների ցուցահանդես

Այսօր Հայաստանի ազգային պատկերասրահում բացվեց ճապոնական Ուկիյո–Է փորագրանկարների ցուցահանդեսը։ Նմանատիպ ցուցադրություն Հայաստանում կազմակերպվել էր նաև 17 տարի առաջ՝ 1994 թ.–ին։

Այս անգամ ցուցահանդեսը նվիրված է Հայաստանի և Ճապոնիայի կառավարությունների կողմից Ճապոնիա միջազգային համագործակցության գործակալության (JICA) և ՀՀ մշակույթի նախարարության միջոցով Ազգային պատկերասրահին գեղանկարչական, գրաֆիկական և փայտափորագրական ստեղծագործությունների վերականգնման տեխնիկայի տրամադրմանը։ Ցուցահանդեսի բացմանը ներկա էին ՌԴ–ում Ճապոնիայի արտակարգ և լիազոր դեսպան Տիկահիտո Հարադան, ՀՀ մշակույթի նախարար Հասմիկ Պողոսյանն ու այլ պատվավոր հյուրեր։ 

Ուկիյո–Է ճապոնակա փայտափորագրությունն ուշագրավ երևույթ է արվեստի պատմության մեջ։ Այն ձևավորվել և զարգացել է 17-18-րդ դարերում։ Այս արվեստի վարպետներն իրենց գործերում կերտում էին «առօրյայի պոեզիան»։ Ուկիյո–Է անվանումը փոխառված է բուդդիստական տերմինաբանությունից, որտեղ օգտագործվում է աշխարհիկ կյանքի բնորոշման համար։