«Հայկական Ժամանակ». Լևոն Տեր-Պետրոսյանը Կարեն Դեմիրճյանի մասին

ՀՀ առաջին նախագահ, Հայ ազգային կոնգրեսի առաջնորդ Լևոն Տեր–Պետրոսյանը երեկ Կոմիտասի անվան Պանթեոնում, լրագրողների հարցերին ի պատասխան խոսելով Կարեն Դեմիրճյանի մասին, մի շարք ուշագրավ հայտաարություններ է արել։

Նա նշել է, որ Խորհրդային Հայաստանի ղեկավարը լինելով՝ Դեմիրճյանը կարողացել է անկախ և արժանապատիվ քաղաքականություն վարել, ինչը ընկալվել և գնահատվել է Հայաստանի ժողովդի կողմից։ Տեր–Պետրոսյանը խոսել է նաև ՀԽՍՀ ղեկավարի պաշտոնից Կարեն Դեմիրճյանի պաշտոնանկության պատճառների մասին։

«1974–ին, երբ նա դարձավ Հայաստանի կենտկոմի առաջին քարտուղար, երևի միակ դեպքն էր, երբ մեծ խանդավառությամբ ընդունվեց ժողովրդի կողմից։ Նախ՝ երիտասարդ էր, գեղեցիկ տղամարդ, հետո մի բան էլ կար. նա կոմունիստական կուսակցության կոմսոմոլի շկոլայից չէր եկել, այլ արդյունաբերությունից։

Դեմիրճյանին ինչո՞ւ հեռացրեց Գորբաչովը: Ինչո՞ւ 88 թվականի մայիսին նրան հեռացրեց իր պաշտոնից: Որովհետև, նախ, Գորբաչովն էլ կոմսոլի կումունիստ էր:Նրանք անհամատեղելի էին իրար հետ: Սա մեկ՝. անձնական խնդիր կար: Եվ երկրորդ. Դեմիրճյանից պահանջում էին ճնշել Ղարաբաղյան շարժումը: վեց օր տևած՝ փետրվարի 20-ից մինչև 26-ը տևած այդ հսկայական ցույցերը, որ միլիոնավոր մարդիկ էին մասնակցում: Սա չափազանցություն չէ: Ուրեմն, այդ ժամանակ նրանից մի բան էին պահանջում, որ պետք է ճնշես, բռնի ուժով պետք է ճնշել, ձերբակալել, այո, բոլոր ղեկավարներին: Այդպիսի խնդիր էր դրված: Դուք չեք պատկերացնի: Պոլիտբյուրոյից, ԿԳԲ-ից, դատախազությունից դեսանտներ էին իջնում ամեն օր Երևան և նրանից պահանջում էին կամ ձերբակալելե բռնությունների միջոցով, կամ պարզապես գնդակահարել ժողովրդին: Նա չարեց այդ բանը: չարեց, դրա համար էլ նրան հեռացրին: Ժողովուրդը մի քիչ սխալ հասկացավ, ճիշտ չգնահատեց, բայց հետո, երբ նա վերադարձավ քաղաքականություն, ժողովուրդը նորից վերագտավ իր վստահությունը Դեմիրճյանի նկատմամբ»,-ասել է Տեր-Պետրոսյանը: