Հակասություն «Ժառանգության» ու «Ազատ դեմոկրատների» միջև՞, թե՞ Ռուբեն Հակոբյանի անձնական կարծիք

«Երեկ Ռուբեն Հակոբյանն ասել է, որ իրենք շտաբի աշխատանքներին չեն մասնացելու։ Ես հայատարարում եմ, ելնելով իմ այն զրույցից, որը երեկ ունեցել եմ Խաչատուր Քոքոբելյանի և Ալիկ Արզումնայնաի հետ, որ դա Ռուբեն Հակոբյանի անձնական կարծիքն է», - այսօր Քաղաքագետների միությունում տեղի ունեցած միասնական շտաբի քննարկման ժամանակ ասաց ՔՄ-ի նախագահ Հմայակ Հովհաննիսյանը:

Հովհաննիսյանը հավելել է. «Այն ժամանակ, երբ Ռուբեն Հակոբյանը ստորագրեց «Ժառանգության»՝ շտաբի մասնակցության մասին հայտարարությունը, դա նա լիազորված էր անել կուսակցության կողմից, բայց ահա այս հայտարարությունն իր անձնական կարծիքն է, որովհետև երեկ Խաչատուր Քոքոբելյանը և Ալիկ Արզումնայանը ինձ ասացին, որ իրենք մասնակցելու են շտաբի աշխատանքներին և նման խոսակցություն չկա, որ իրենք ետ են կանգնում իրենց ստորագրությունից: Պարզապես իրենք գտնում են, որ ճիշտ կլինի, եթե անմիջապես մասնակցեն ղեկավարները: Ես նշեցի, որ իրենց առաջարկն ըստ էության հարգվել է, որովհետև անցած ժամանակաշրջանում և՛ ԲՀԿ նախագահը, և՛ ՀԱԿ-ի առաջնորդը, ՀՅԴ-ի գերգույն մարմնի ներկայացուցչը հայտարարել են, որ իրենք լիազորել են իրենց ներկայացուցիչներին հանդես գալ այդպիսի հայտարությամբ և ակտիվորեն մասնակցեն միասնական շտաբի աշխատանքներին: Ուստի «Ժառանգություն»-ը, կարծում եմ, պետք է բավարարված լիներ դրանով»: